പ്രാണയോഗക്രിയ

ഈശ്വരനിലേയ്ക്കെത്തുവാൻ നിങ്ങൾ ആഗ്രഹിക്കുന്നുവോ?

മരുന്നുകളോട് വിട പറയാൻ  നിങ്ങൾ ആഗ്രഹിക്കുന്നുവോ?

മനസിന്റെ യജമാനനാകാൻ  നിങ്ങൾ ആഗ്രഹിക്കുന്നുവോ?

എങ്കിൽ  നിങ്ങൾക്കു വേണ്ടിയുള്ളതാണ്‌ “പ്രാണയോഗക്രിയ’.

വേദോപനിഷത്തുകളിൽ അന്തർലീനമായ അത്ഭുതാവഹമായ സൂക്ഷ്മശരീര ചികിത്സയിലൂടെ മനുഷ്യ മനസിന്റെ അനന്ത സാധ്യതകൾ പ്രയോജനപ്പെടുത്തൂ…!!

എന്താണ്‌ പ്രാണയോഗക്രിയ?

കാൽനൂറ്റാണ്ടു കാലത്തെ കഠിനാധ്വാനത്തിലൂടെയും തപസ്സിലൂടെയും മാനവ സേവനത്തിലൂടെയും ഗുരുപരമ്പരയിൽ നിന്നും ലഭിച്ച ദിവ്യാനുഗ്രഹ പ്രവാഹം ഭാരതീയ സംസ്കാരത്തിനനുസരിച്ച്‌ സദ്ഗുരു ശ്രീ യോഗനന്ദ ശ്രീരാജ് വിഭാവനം ചെയ്തു പ്രാവർത്തികമാക്കിയ സാധനാ മാർഗ്ഗമാണ്‌  പ്രാണയോഗക്രിയ.

ഇന്ദ്രിയങ്ങളെ വലിക്കുന്ന കുതിരകളാകുന്ന മനസ്സിനെ വരുതിയിലാക്കി, പഞ്ചപ്രാണനുകളെയും നിയന്ത്രിച്ച്, ആത്മാവിനെയും ശരീരത്തിനെയും മനസ്സിനെയും ഏകോപിപ്പിച്ച് , നേർരേഖയിലാക്കി, സൂക്ഷ്മ ശരീരത്തിലെ സകലദോഷങ്ങളേയും ഇല്ലായ്മ ചെയ്ത്‌, പരിപൂർണ്ണ മുക്തിയിലേക്ക് നയിക്കുന്ന ദിവ്യവും സമാനതകളില്ലാത്തതുമായ സൂക്ഷ്മശരീര  ചികിത്സാ മാർഗ്ഗമാണ്‌ പ്രാണയോഗക്രിയ.

അശാന്തമായ മനസ്സും ആകുല ചിന്തകളും മാറാരോഗങ്ങളും തകർന്നടിഞ്ഞ ബന്ധങ്ങളും മൂലം ജീവിതം വഴിമുട്ടിയെന്ന്‌ നിങ്ങൾക്ക്‌ തോന്നുന്നുണ്ടോ?

എങ്കിൽ... അസാധ്യമെന്ന്‌ ഇന്നുവരെ നിങ്ങൾ കരുതിയതൊക്കെയും വെറും മിഥ്യയായിരുന്നുവെന്ന് പ്രാണയോഗക്രിയ നിങ്ങളെ ബോധ്യപ്പെടുത്തും.

ഇതിനായി നിങ്ങൾ അതികഠിനമായ ആസനമുറകളോ യമനിയമാദി നിഷ്കർഷകളോ അനുഷ്ഠിക്കേണ്ടതില്ല. അയത്നലളിതമായ ഒരുധ്യാനമാർഗ്ഗത്തിലൂടെ നിങ്ങൾക്ക്‌ നഷ്ടപ്പെട്ടുവെന്ന്‌ നിങ്ങൾ കരുതിയ ജീവിതത്തിലേക്ക്‌, പ്രപഞ്ചത്തിന്റെ സ്നേഹോർജ്ജപ്രവാഹത്തിലേക്ക്‌ ഗുരു  നിങ്ങളെ കൈപിടിച്ച്‌ നടത്തുന്നു.

രോഗികളെ യോഗികളാക്കുന്ന, ദുർബ്ബലനെ ബലവാനാക്കുന്ന – പ്രാണയോഗക്രിയ -

വേദകാല വിജ്ഞാനത്തിന്റെയും ആധുനിക ശാസ്ത്രത്തിന്റെയും സമഞ്ജസമായ സമന്വയം.

മനസ്സിന്‌ ശാന്തത കൈവരുവാൻ

പ്രവൃത്തിയിൽ ഏകാഗ്രത ലഭിക്കുവാൻ

ആരോഗ്യം മെച്ചപ്പെടുത്തുവാൻ

ഉൾക്കരുത്ത്‌ നേടുവാൻ

നേതൃപാടവം ആർജ്ജിക്കുവാൻ

ഓർമ്മശക്തിയും ബുദ്ധിശക്തിയും വർദ്ധിപ്പിക്കാൻ

സ്നേഹവും സന്തോഷവും ഹ്രൃദയത്തിൽ നിറയ്ക്കാൻ

സമ്പൂർണ്ണ ജീവിതവിജയം കൈവരിക്കാൻ

കോസ്മിക് യോഗാ ഫൌണ്ടേഷൻ

പ്രാണയോഗക്രിയ ലോകോപകാരാർത്ഥം പകർന്നു കൊടുക്കുന്നതിനു വേണ്ടി ,

സദ്ഗുരു ശ്രീ യോഗാനന്ദ ശ്രീരാജിനാൽ അനുഗ്രഹിക്കപ്പെട്ട്‌, തൊടുപുഴ ആസ്ഥാനമാക്കി പ്രവർത്തനമാരംഭിച്ച സംഘടനയാണ്‌ കോസ്മിക് യോഗാ ഫൌണ്ടേഷൻ.

ആയിരക്കണക്കിനു് സുമനസ്സുകളെ ജീവിതത്തിലേക്കു തിരികെ കൊണ്ടുവന്ന്‌ ഈശ്വരാനുഗ്രഹം ചൊരിഞ്ഞുകൊണ്ട്‌ ഫൌണ്ടേഷൻ വഴി ചിട്ടയായ പരിശീലനം നല്കി വരുന്നു.